Экономикалық ынтымақтастық

Қазақстан мен Беларусь

сауда-экономикалық ынтымақтастығы бойынша

Аңықтама

Беларусь Республикасының Статистикалық комитетінің мәліметі бойынша Қазақстан Республикасы мен Беларусь Республикасы арасында 2019 жылдың қаңтар-маусым аралығында сауда айналымы 481,7 млн. АҚШ долл. құрады (бұл 2018 жылдың сәйкес кезеңімен салыстырғанда 11,8 % -ға артты),қазақстандық өнімнің импорты 41,3 %-ға өсіп және 77,4 млн. долл. құрады, ал Беларусьтен Қазақстанға экспорт 7,5% - ға артып, 404,4 млн. долл. құрады.

Қазақстанның Статистика комитетінің мәліметі бойынша, Қазақстан Республикасы мен Беларусь Республикасы арасында 2019 жылғы қаңтар-маусым кезеңінде сауда айналымы 344,8 млн. долл. құрады, Қазақстаннан Беларуське экспорт - 49,8 млн. долл., ал Беларусьтен Қазақстанға импорт - 295 млн. долл. құрады.

Екіжақты ынтымақтастықтың маңызды элементі, 1996 жылдан бері жұмыс істеп келе жатқан Сауда-экономикалық ынтымақтастық жөніндегі Қазақстан-Беларусь үкіметаралық комиссиясы(ҮАҚ)болып табылады.

ҮАК-тың 14-ші отырысы 2018 жылы 26 қарашада Минскіде өтті.

Отырыс барысында 2017-2018 жылдарға арналған екіжақты сауда-экономикалық ынтымақтастықты дамыту "Жол картасының" орындалуы, құрастыру өндірісінің жұмыс істеуі және кеңейтуі, өндірістік кооперациясын дамыту және жаңа бірлескен жобаларды іске асыру, агроөнеркәсіптік кешенде, көлік және логистика, мәдени-гуманитарлық және аэроғарыштық салалардағы, денсаулық сақтаудағы және т.б. ынтымақтастықты одан әрі дамыту мәселелері қарастырылды.

Отырыстың қорытындысы бойынш Беларусь Республикасының Үкіметі мен Қазақстан Республикасының Үкіметі арасындағы 2019-2020 жылдарға арналған ынтымақтастықты дамыту жөніндегі іс-шаралар жоспарына және ҮАК-ың хаттамасына қол қойылды.

ҮАК-тың 15-ші отырысын 2019 жылғы 3-ші тоқсанында Қазақстанда өткізу жоспарланып отыр.

2019 жылғы 5-ші шілдеде Минск қаласында Қазақстан Сыртқы сауда палатасы мен Беларусь Сауда-өнеркәсіп палатасы арасындағы Іскерлік кеңестің бірінші отырысы өтті.

Сауда қатынастарын одан әрі дамыту мәселелері талқыланды, сонымен қатар
2019 жылғы 3-5 шілде аралығында Минск қаласында қазақстандық азық-түлік өндірушілері макарон өнімдері, бұқтырылған ет, кондитерлік өнімдер, ұн, шырындар, майонез және кетчуп сияқты тауарлары бойынша жарнамалық-дегустациялық көрме өткізді.

Екіжақты ынтымақтастықтың маңызды бағыты өнеркәсіптік кооперациясы болып табылады.

Бүгінге бұл бағытта екіжақты ынтымақтастықтың шеңберінде 8 жоба бірлесіп іске асырылды:

1. "КазБелАз" БК ЖШС-сі негізінде "БелАз" карьерлік техникасын құрастыру және техникалық қызмет көрсетуі.

2. "Агромашхолдинг"АҚ-сы негізінде комбайндар өндірісі.

2019 жылғы қаңтар-наурызда 1,65 млрд. теңгеге 30 комбайн өндірілді.

3. "СемАЗ" ЖШС-сі негізінде "Беларус" тракторлар өндірісі.

2019 жылғы қаңтар-наурызда 593,4 млн. теңге сомасына 95 трактор өндірілді.

4. "Композит Групп" ЖШС-сі негізінде"Беларус" тракторлар өндірісі.

2019 жылғы қаңтар-наурызда 329 млн. теңге сомасына 47 трактор өндірілді.

5. "Hyundai Trans Auto " ЖШС-сі негізінде "МАЗ " автотехникасының өндірісі.

6. "Қазақстан Агро Инновациялық Корпорациясы" ЖШС-сі негізінде ауыл шаруашылық техникасының өндірісі.

2019 жылғы қаңтар-наурызда 1090 млн. теңге сомасына 203 бірлік техника өндірілді.

7. "Семей машина жасау зауыты "АҚ-сы негізінде ''МАЗ " автотехникасының өндірісі.

8. "Алатау" Лифт жасау компаниясы " ЖШС-сі негізінде лифттер өндірісі.

Көлік саласындағы ынтымақтастық

Қазақстан мен Беларусьтың көлік-логистикалық инфрақұрылымының интеграция үдерісі оң нәтиже беруде. 2018 жылы Қытай-Еуропа-Қытай бағыты бойынша темір жол көлігімен экспорттық-импорттық, сондай-ақ транзиттік контейнерлік тасымалдар көлемінің тұрақты өсуі байқалды. 2018 жылы Қазақстан Республикасы мен Беларусь Республикасы арасындағы экспорттық және импорттық жүктердің көлемі 7,3% - ға(76,13 мың тонна) артып 1127,31 мың тоннанықұрады (2017 жылы - 1051,17 мың тонна).Қазақстан темір жолы бойынша транзитпен жүк тасымалдау көлемі 6,4% - ға (15,23 мың тонна) арттып және 255,06 мың тоннаны құрады (2017 жылы - 239,83 мың тонна).

Ғарыш қызметі саласындағы ынтымақтастықты одан әрі дамыту бойынша шаралар қабылдануда.

Тараптар бірлескен қазақстан-белорус жұмыс тобын құрды, бұл ғарыш саласындағы ынтымақтастық мәселелерін тұрақты негізде қарастырады.

Аймақаралық байланыстар барысында өңіраралық сауда-экономикалық және мәдени-гуманитарлық ынтымақтастық бойынша екіжақты құжаттарға қол қойылды.

Қосылған : 6.11.2016, 18:50, Өзгертілген : 9.11.2016, 11:03