ИЫҰ

Ислам ынтымақтастығы ұйымы (ИЫҰ, 2011 жылға дейін - Ислам Конференциясы Ұйымы) 1969 жылы құрылды. ИЫҰ Бас хатшылығының штаб-пәтері Жидда қаласында (Сауд Арабиясы Корольдігі) орналасқан.

Мүшелерінің саны бойыншаБҰҰ-дан кейін екінші ең ірі халықаралық ұйым болып табылатынИЫҰ-ға бүгінгі таңда 56 ел мүше (2012 жылғы тамызда мүшелігі тоқтатылған Сирияны есептемегенде).

Бақылаушы мәртебесіне 5 мемлекет (Ресей, Босния-Герцеговина, Таиланд, Орталық Африка Республикасы, Солтүстік Кипр Түрік Республикасы) пен 5 халықаралық ұйым (БҰҰ, Қосылмау қозғалысы, Араб мемлекеттерінің лигасы, Африка Одағы, Экономикалық ынтымақтастық ұйымы)ие.

Жұмыс тілдері - ағылшын, араб, француз.

ИЫҰ құрылымы: Жоғарғы орган -екі жылда бір рет шақырылатын мемлекеттер мен үкіметтер басшыларының саммиті; Жұмыстық орган - жыл сайын шақырылатын Сыртқы істер министрлерінің кеңесі; Кеңестік орган - қазіргі, бұрынғы және алдағы саммиттерменсыртқы істер министрлері кеңестерініңтөрағаларынан, Бас хатшылық штаб-пәтерінің орналасқан мемлекетінің өкілінен, сондай-ақ Бас хатшыдан тұратын Атқарушы комитет; Атқарушы орган -Бас хатшылық.

Ұйымның басты құжаттары: 2008 жылғы наурызда ИЫҰ-ның 11-ші Саммиті барысында қабылданған ИЫҰ Жарғысы; 2016 жылғы сәуірде Ыстанбұл қаласында (Түркия) өткен ИЫҰ 13-ші Саммиті барысында қабылданған 10-жылдық «ИЫҰ-2025: Іс-қимыл бағдарламасы».

ҚР Президенті Н.Ә.Назарбаевтың 2016 жылғы 14-15 сәуірде Ыстанбұл қаласында өткен ИЫҰ 13-ші Саммитіне қатысуы айтулы оқиға болды. Оның барысында Қазақстанның жаңа маңызды бастамалары - Ислам әлеміндегі татуласу үдерісін іске қосу, Ислам даму банкінің қолдауымен «Ислам инфрақұрылымдық ықпалдастығы» стратегиялық бағдарламалық құжатын әзірлеу және 2017 жылы Астанада Ғылым және технологиялар жөніндегі ИЫҰ Саммитін өткізу жарияланды.

Қосылған : 11.12.2012, 19:37, Өзгертілген : 30.01.2017, 00:28